مەودا میدیا-

بەڕێوەبەرایەتیی کەشناسی و بومەلەرزەزانی گەرمیان رایگەیاند، ئەمشەو کاتژمێر 10:10 خولەک بومەلەرزەیەک لە نزیک قەزای کەلار روویدا.

لە راگەیەندراوێکدا بەڕێوەبەرایەتیی کەشناسی و بومەلەرزەزانی گەرمیان ئاماژەی بەوەکرد، کاتژمێر  10:10 خولەکی ئەمشەو بومەلەرزەیەک بە گوڕی 3.6 پلەی رێختەر لە نزیک قەزای کەلاری سەر بە ئیدارەی گەرمیان روویدا.

باسی لەوەشکردووە، سەرچاوەی بومەلەرزەکە لە شارۆچکەی قەسری شیرین لەشاری کرماشانی رۆهەڵاتی کوردستان بووە و بە قوڵایی 10 کیلۆمەتر بووە، سەنتەری بومەلەرزەکە 13کیلۆمەتر لە کەلارەوە دوورە .

ئەوە لەکاتێکدایە هەر ئەمڕۆ دوو جاری دیکە بومەلەرزە لە هەمان شوێن روویدا و زۆربەی دانیشتوانی ئەو ناوچانە هەستیانپێکردووە.

ر. ر