مەودا میدیا-


بەڕێوەبەرایەتیی هاتوچۆی سلێمانی شۆفێری بارهه‌ڵگره‌كان ئاگاداردەکاتەوە لە هەڵگرتنی قەپانی سەر رێگەی نێوان فولکەی هەواری شار- بازگەی قەیوان.

ئەمڕۆ چوارشەممە بەڕێوەبەرایەتیی هاتوچۆی سلێمانی ئاگاداری نامەیەکی بڵاوکردەوە کە تێیدا شۆفێری بارهه‌ڵگره‌كان ئاگادارده‌كاته‌وه‌، کە به‌هۆی نۆژه‌نكردنه‌وه‌ی رێگه‌ی نێوان فلكه‌ی هه‌واری شار بۆ بازگه‌ی قه‌یوان، له‌ ئێستادا قه‌پانی قه‌یوان هه‌ڵگیراوه‌‌ و كاری تێدا ناكرێت.

هاتوچۆی سلێمانی ئەوەشی خستووتەڕوو، ده‌بێت شۆفێری ئەو بارهه‌ڵگرانەی له رێگه‌ی مێرگه‌پان‌ و رێگه‌ی قه‌یوان هاتوچۆ ده‌كه‌ن، باره‌كانیان له ‌قه‌پانی تانجه‌رۆ یان قه‌پانی باره‌گای به‌ڕێوه‌به‌رایه‌تیی هێزه‌كانی كێش له‌ ناوچه‌ی پیشه‌سازی سلێمانی قه‌پان بكه‌ن ‌و پسوڵه‌ی قه‌پانیان پێبێت.

ر. ر