مەودا میدیا-

میدیا ئێرانییەکان رایانگەیاند، بەرەبەیانی ئەمڕۆ بومەلەرزەیەکی بەھێز باشوری خۆرئاوای ئێرانی ھەژاند و زیانی گیانی و مادی لێکەوتەوە.

ئەمڕۆ دووشەممە میدیا ئێرانییەکان بڵاویانکردەوە، بەرەبەیانی ئەمڕۆ بومەلەرزەیەک بە گوڕی 5.7 پلە بەپێوەری ریختەر و بەقوڵی 10 کیلۆمەتری ژێر زەوەی، پارێزگاکانی خوزستان و چوارمەحاڵ و بەختیاری ھەژاندووە و بەپێی ئامارە سەرەتاییەکان، 12 کەس لە شاری کوردی پارێزگای چوارمەحاڵ و بەختیاری برینداربوون.

لەو بارەیەوە ئیسماعیل نەجاڕ بەڕێوەبەری رێکخراوی کونتڕۆڵکردنی قەیران لە ئێران رایگەیاند، حاڵەتی ئامادەباشیان راگەیاندوە و چەندین تیمی فریاکەوتنیان رەوانەی ئەو ناوچانە کردووە کە بومەلەرزە تیایاندا روویداوە. 

ئەوەشی خستووتەڕوو، بەھۆی بومەلەرزەکەوە جگە لە برینداربوونی ژمارەیەک ھاوڵاتی، نزیکەی 20 گوندیش زیانی مادیان پێگەیشتووە.

ر. ر