مەودا میدیا-

خۆپیشاندان لەشارە جیاوازەکانی عیراق بەردەوامی هەیە هەر چەندە محەمەد تۆفیق عەلاوی راسپێردراوە بۆ پێکهێنانی حکومەتی نوێی عیراق، بەڵام ئەمە کۆتایی بە خۆپیشاندانەکان نەهێناوە.

ئەمڕۆش خۆپیشاندانی فراوان دەستیپێکردەوە لە شارەکانی بەغدا و بەسرە و زیقار و کەربەلا و نەجەف و میسان و ناسرییە و دیوانییە و بابل و چەند شارێکی دیکە دژی راسپاردنی محەمەد تۆفیق عەلاوی بۆ پێکهێنانی حکومەتی نوێی عیراق.

جێگای ئاماژەیە لە بەشێک لە شارەکان خۆپیشاندەران رێگاکانیان داخستووە و هێزە ئەمنییەکانیش بە گازی فرمێسک رێژ هەوڵی بڵاوەپێکردنی خۆپیشاندەران دەدەن.