مەودا میدیا-

بەرپرسی راگەیاندنی سەرۆکایەتی کۆماری تورکیا رەتیدەکاتەوە تەندروستی ئەردۆگان ناجێگیر بێت و هەواڵیکی لەو شێوەیەش بە "درۆ" ناودەبات.

فەخرەدین ئاڵتون، بەرپرسی راگەیاندنی سەرۆکایەتی کۆماری تورکیا رایگەیاند "جاران تەنها بەدەست ئەوەوە دەمانناڵاند کە لە سۆشیال میدیاکاندا دەنگۆی ناراست بڵاودەبوویەوە، بەڵام ئێستا میدیا گەورە و زەبەلاحەکانی جیهان هەمان کێشەیان هەیە  ودرۆ بڵاودەکەنەوە".

ناوبراو تەریکردووەتەوە تەندروستی رەجەب تەییب ئەردۆغان، سەرۆک کۆماری تورکیا ناجێگیر بێت و هەر زانیارییەکی کەو چەشنە رەت دەکاتەوە.

ئاڵتون باسی لەوەشکردووە "ئەمە جاری یەکەم نییە کە دەنگۆی لەو شێوەیە بڵاودەکرێتەوە و ئێمەش بەدرۆی دەخەینەوە".

ئەمە لەکاتێکدایە کە ماوەی هەفتەیەکە میدیا جیهانییەکان چەندین هەواڵیان لەبارەی نەخۆشکەوتن و خراپی دۆخی تەندروستی رەجەم تەییب ئەردۆغانەوە بڵاوکردووەتەوە.

ب.م