مەودا میدیا-

بەیانی ئەمڕۆ یەکشەممە پرۆسەی دەنگدانی گشتیی لە سەرجەم پارێزگاکانی عیراق و هەرێمی کوردستان دەستیپێکرد و بڕیارە لە کاتژمێر 6:00 ئێوارە پرۆسەکە کۆتایی بێت.

پرۆسەی دەنگدانی گشتی کەمتر لە کاتژمێرێکی ماوە، بەڵام رێژەی بەشداریکردن بەشێوەیەکی گشتی لە 30% تێنەپەڕێوە، ئەمەش رێژەیەکی کەمە بۆ بەشداریکردن لە هەڵبژاردنەکان.

کۆمسیۆنی باڵای سەربەخۆی هەڵبژاردنەکانی عیراقیش رایگەیاند "بەهیچ شێوەیەک کاتی پرۆسەی دەنگدان درێژناکرێتەوە و کاتژمێر 6:00ی ئێوارە ئامێرەکانی دەنگدان دەکوژێنەوە".

جێگای ئاماژەیە، بەیانی ئەمڕۆ 10ی تشرینی یەکەمی 2021 پرۆسەی دەنگدانی گشتی لە پارێزگاکانی هەریمی کوردستان و عیراق دەستیپێکرد و هاوڵاتییان روویان لە سندوقەکانی دەنگدان کرد، بەڵام رێژەی بەشداریکردنی هاوڵاتییان زۆر کەمە لە پرۆسەی دەنگدان، ئەمەش بووەتە جێگەی نیگەرانی لایەنەکان.

س،ر