مەودا میدیا-

یەکێتی ئەوروپا رایگەیاند، لە مامەڵەکردن لەگەڵ قەیرانی کۆچکردن لە سنووری نێوان بیلاڕوسیا و پۆڵەندا هەنگاو بەرەو پێشەوە دەنێت، دوای ئەوەی تورکیا هاوڵاتییانی هەریەکە لە وڵاتی عیراق، سوریا و یەمەنی قەدەغە کرد کە رووبکەنە بیلاڕوسیا.

سەبارەت بە کۆچبەرانی سەر سنوری نێوان بیلاڕوسیا و پۆڵەندا یەکێتی ئەوروپا رایگەیاند "لە مامەڵەکردن لەگەڵ قەیرانی کۆچکردن لە سنووری نێوان بیلاڕوسیا و پۆڵندا هەنگاو بەرەو پێشەوە دەنێت، دوای ئەوەی تورکیا هاوڵاتییانی هەریەکە لە وڵاتی عیراق، سوریا و یەمەنی قەدەغە کرد کە رووبکەنە بیلاڕوسیا".

هاوکات وتەبێژی وەزارەتی دەرەوەی ئەڵمانیاش رایگەیاندووە، دانوستانەکانیان لەگەڵ وڵاتان و کۆمپانیاکانی فڕۆکەوانیدا بەردەوامە بۆ رێگریکردن لە گەشتکردنی ھاوڵاتییانی چەند وڵاتێک بۆ بێلاڕوسیا، قەدەغەکردنی گەشتەکانیش لەلایەن تورکیاوە، ئەنجامی دانوستانەکانە.

ئەوە لە کاتێکدایە هەزاران کۆچبەر کە زۆرینەیان کوردی باشوری کوردستانن، چەند رۆژێکە لە سنووری نێوان هەردوو وڵاتی بیلاڕوسیا و پۆڵەندا گیریان خواردووە، لە هەمان کاتدا رێکخراوی تەندروستی جیهانی دوێنێ هەینی نیگەرانییەکی جددیی لە بارودۆخیان دەربڕی.

ر. ب