مەودا میدیا-سازگار ئەحمەد

بڕیارە سبەی ئەنجومەنی سەرکردایەتی یەکێتیی نیشتیمانیی کوردستان بەمەبەستی  بڕیار دانی کۆتایی لەسەر بەستنی کۆنگرەی چوارەمی حیزبەکەی کۆبێتەوە.

مستەفا چاوڕەش، ئەندامی سەرکردایەتی یەکێتیی نیشتیمانیی کوردستان بە مەودا میدیای راگەیاند "بڕیارە سبەی پێنجشەممە 5ی کانونی یەکەمی 2019 ئەنجومەنی سەرکردایەتی یەکێتیی نیشتیمانی کوردستان کۆبێتەوە".

مستەفا چاوڕەش وتیشی "مەبەستی کۆبوونەوەی ئەنجومەنی سەرکردایەتی یەکێتی بۆ دوا بڕیارە لەسەر بەستنی کۆنگرەی چوارەمی یەکێتی".

ئەمەش له کاتێکدایە بڕیارە رۆژی 7ی کانونی یەکەمی 2019 یەکێتیی نیشتیمانیی کوردستان کۆنگرەی چوارەمی حیزبەکەی ببەستێ، بەڵام ماوەی چەند رۆژێکە دەنگۆی ئەوەیە هەیە کە کاتی بەستنی کۆنگرە دوابکەوێت و لەکاتەدا نەکرێت کە دیاری کراوە.