مەودا میدیا-

ئەمشەو لیژنەی لێکۆڵینەوە لە رووداوی هێرشەکەی سەر ماڵی مستەفا کازمی، سەرۆک وەزیرانی عیراق ئەنجامی لێکۆڵینەوەکەی بۆ میدیاکان ئاشکرا کرد.

 لیژنەی لێکۆڵینەوە لە رووداوی هێرشەکەی سەر ماڵی مستەفا کازمی، سەرۆک وەزیرانی عیراق رایگەیاند"کردەوەکە هێرشێکی چەکداری بووە، کێشە لە پاراستن و بەرگریکردن لە ناوچەکە و ماڵی سەرۆک وەزیراندا هەبووە کە ئەوە دەرئەنجامێکی گرنگ بووە بۆ لیژنەکە".

ئاماژەی بەوەشکردووە "هێرشەکە لە رێگای فڕۆکەی بێ فڕۆکەوان و بۆمبرێژکراوەوە بووە، ئەو فڕۆکانەی هێرشەکەی پێ ئەنجامدراوە، لە ناوخۆی عیراقدا دروستدەکرێت و فڕۆکەکان لە ئاستێکی مامناوەنددا تەقیونەتەوە، کە پێنج پێ دوورتر لە شوێنی پێشبینیکراوی تەقیونەتەوە و تەقینەوەکان بە درۆنەکەوە بەستراون نەوەک لێوە فڕێدرابن".

 لیژنەی لێکۆڵینەوە لە رووداوی هێرشەکەی سەر ماڵی مستەفا کازمی باسی لەوەشکردووە "بڵگەی ورد و تەواویان لە بەردەستە و بابەتەکە بابەتێکی هەستیارە".

بەرەبەیانی رۆژی یەکشەممە 6ی تشرینی دووەمی 2021 بە فڕۆکەی بێفڕۆکەوان هێرشکرایە سەر ماڵەکەی مستەفا کازمی، سەرۆک وەزیرانی عیراق، بەڵام زیانی گیانی نەبوو.

س،ر