مەودا میدیا-

وەزارەتی بازرگانی عیراق رایدەگەیەنێت نرخی ئارد زیاتر دادەبەزێت، ئاماژەی بەوەشکردووە سەبەتەی سێیەمی بەشەخۆراک بۆ هاوڵاتییان گه‌یشتووه‌ته‌ کۆگاکانی هەڵگرتنی خۆراک لە سه‌رجه‌م پارێزگاكان.

له‌ راگه‌یه‌ندراوێكدا وه‌زاره‌تى بازرگانی عیراق رایگەیاند "له‌سه‌ر راسپارده‌ى د.عه‌لا جبوری، وه‌زیری بازرگانى سه‌رجه‌م ماده‌كانى سەبەتەی سێیەمی بەشەخۆراک بۆ هاوڵاتییان گه‌یشتووه‌ته‌ کۆگاکانی هەڵگرتنی خۆراک لە سه‌رجه‌م پارێزگاكاندا به‌ هەرێمی کوردستانیشه‌وه‌ و به‌منزیكانه‌ دەست بە دابەشکردنی دەکرێت".

ئاماژە بەوەشکراوە "لەگەڵ ئەو سەبەتەی خۆراکەدا به‌شه‌ ئاردى ده‌یه‌م دابەش دەکرێت، بەمشێوەیەش نرخی ئارد لە بازاڕەکان زیاتر هەرزان دەبێت".

وەزارەتی بازرگانی عیراق راشیگەیاند "بەشە خۆراکەکە پێکهاتووە لە، برنج، فاسۆلیا، ڕۆن، شەکر، نیسک، ئارد، نۆک و دۆشاو".

س،ر