مەودا میدیا-

وەزارەتی کارەبای حکومەتی هەرێمی کوردستان ئامارێکی بڵاوکردووەتەوە کە جیاوازی نێوان بەرهەمهێنان و پێدانی کارەبا بە هاوڵاتییان لە ماوەی سێ ساڵدا پیشاندەدات، بەپێی ئەو ئامارە لە ساڵی 2018وە تائێستا سێ کاتژمێر ‏پێدانی کارەبا زیادیکردووە.‏

لە ئامارەکەی وەزارەتی کارەبای حکومەتی هەرێمی کوردستاندا هاتووە، بەرهەمهێنانی کارەبا لەو سێ ساڵەدا (2018-2021) ‏نزیکەی 26% بەرزبووەتەوە، ژمارەی هاوبەشانی کارەباش نزیکەی 21% زیادبووە، ‏هەروەها کاتەکانی پێدانی کارەبا زیاتر لە 22% زیاد بووە.‏

هاوکات هەر بە پێی ئەو ئامارە، بەرهەمهێنانی كارەبا 5% زیاتر بووە لە زۆربوونی ‏ژمارەی هاوبەشان.‏

وەزارەتی کارەبا ئاماژەی بەوەشکردووە، داهاتی کارەبا زیاتر لە 185% بەرزبووەتەوە و لەماوەی ‏سێ ساڵدا 690 مێگاوات کارەبا زیادیکردووە، دەشڵێت، ساڵی رابردوو 17 کاتژمێر ‏کارەبای نیشتمانی دراوەتە هاوبەشان.‏

ر. ئ.