مەودا میدیا-

بەڕێوەبەرایەتیی گشتیی کەشناسی و بومەلەرزەزانی هەرێمی کوردستان رایگەیاند، ئەمشەو ئاسمانی هەرێم بە هەور دادەپۆشرێت و باران دەبارێت و ئه‌گه‌رى به‌فر بارين هه‌يه‌ له‌ به‌شێك له‌ قه‌زاو ناحيه‌كانى هه‌ولێر و سلێمانى و راپه‌ڕين له‌ كاته‌كانى دواى نيوه‌شه‌و تا به‌ره‌به‌يان.

لە راگەیەندراوێکدا بەڕێوەبەرایەتیی گشتیی کەشناسی و بومەلەرزەزانی هەرێمی کوردستان ئاماژە بەوەدەکات " نوێترین وێنەى مانگە دەستکردەکان ئەوە دەردەخات کە ئاسمانى هەرێم ئەمشەو بەهەور دادەپۆشرێت و پێشبینى حاڵەتێکى خێرای (كورت خايه‌ن) ى باران بارین دەکرێ كە لە رۆژئاوای هەرێمەوە دەست پێدەکات پاشان بەناوەراستى هەرێمدا تێدەپەڕێت بەره‌و رۆژهەڵات و ناوچەکانى کەرکوک و گەرمیان و لە بەیانى زوودا کۆتایی دێت".

باسی لەوەشکردووە "هەروەها بەفریش لە ناوچەشاخاویەکان دەبارێت و ئەگەری دروستبوونى تەم و مژیش هەیە لە ناوچەى جیاواز". 

جەختیشیکردووەتەوە "ئه‌گه‌رى به‌فر بارين هه‌يه‌ له‌ به‌شێك له‌ قه‌زاو ناحيه‌كانى هه‌ولێر و سلێمانى و راپه‌ڕين له‌ كاته‌كانى دواى نيوه‌شه‌و تا به‌ره‌به‌يان".

ر. ئ.