مەودا میدیا-

به‌ڕێوه‌به‌رایه‌تیی پۆلیسی سێلمانی دەستگیرکردنی تۆمەتبارێکی راگەیاند كه‌ له‌ ھه‌ردوو گه‌ڕه‌كی ھه‌واری شار و تاڤگه‌ ته‌قه‌ی كردبوو.

له‌ راگه‌یه‌ندراوێكدا بەڕێوەبەرایەتیی پۆلیسی سلێمانی ئاماژەی بەوەکرد "دوای ئه‌وه‌ی تۆمه‌تبارێك له‌ ھه‌ردوو گه‌ڕه‌كی ھه‌واری شار و تاڤگه‌ ته‌قه‌ی كرد، پاش لێكۆڵینه‌وه‌كانی پۆلیس توانرا تۆمه‌تباره‌كه‌ له‌لایه‌ن بنكه‌ی پۆلیسی ھه‌واری شار و نوسینگه‌ی نه‌هێشتنی تاوانی رۆژئاواوه‌ ده‌ستگیربكرێت". 

باسی لەوەشکردووە "له‌كاتی ده‌ستگیكردنی تۆمه‌تباره‌كه‌دا ده‌ستگیرا به‌سه‌ر ئه‌و چه‌كه‌دا كه‌ تۆمه‌تباره‌كه‌ ته‌قه‌ی پێكردبوو".

روونیشیكرده‌وه‌ "تۆمه‌تباره‌كه‌ به‌ناوی (ھ، ف، ج) له‌دایكبووی 1997 دانیشتوی گوندێكی ناحیه‌ی بازیانی سه‌ر به‌شاری سلێمانییه‌، به‌بڕیاری دادوه‌ر راگیراوه‌ و لێكۆڵینه‌وه‌كان به‌رده‌وامه‌".

ر. ئ.