مەودا میدیا- 

دادگای فیدراڵی عیراق بڕیاریدا بە شێوەیەکی کاتی کاری دەستەی سەرۆکایەتیی ھەڵبژێردراوی ئەنجومەنی نوێنەران رابگرێت.

ئەمڕۆ پێنجشەممە دادگای فیدراڵی عیراق لە راگەیەندراوێکدا بڵاویکردەوە، لەسەر ئەو سکاڵایەی لەلایەن ھەردوو پەرلەمانتار باسم خەشان و مەحمود مەشھەدانی لەسەر یەکەم دانیشتنی خولی پێنجەمی ئەنجومەنی نوێنەران تۆمارکراوە، بڕیاردراوە کاری دەستەی سەرۆکایەتیی ئەنجومەنی نوێنەران بە شێوەیەکی کاتی رابگیرێت.

بەپێی سکاڵاکەی ئەو دوو پەرلەمانتارە، یەکەمین کۆبوونەوەی خولی پێنجەمی ئەنجومەنی نوێنەران کە تێیدا دەستەی سەرۆکایەتیی ئەنجومەنەکە ھەڵبژێدرا، پێشێلکاری یاسایی و دەستوری تێدابووە.

ر. ئ.