کوردستانی
سۆران؛ سێ کەس بە تۆمەتی دزیکردن دەستگیرکران
مەودا میدیا - سلێمانی |
مەودا میدیا-
بەرێوەبەرایەتیی پۆلیسی سۆران رایگەیاند، هێزەکانیان سێ کەسیان دەستگیرکردووە کە هەستاون بە دزینی هەزار و 500 دۆلاری ئەمەریکی و یەک ملیۆن دیناری عیراقی لەڕێگەی فێڵکردنەوە.
بەرێوەبەرایەتیی پۆلیسی سۆران رایگەیاند، هێزەکانیان سێ کەسیان دەستگیرکردووە کە هەستاون بە دزینی هەزار و 500 دۆلاری ئەمەریکی و یەک ملیۆن دیناری عیراقی لەڕێگەی فێڵکردنەوە.
بەرێوەبەرایەتیی پۆلیسی سۆران لە راگەیەندراوێکدا ئاماژەی بەوەکرد، دوای ئاگادارکردنەوەی نووسینگەی نەهێشتنی تاوانی سۆران لە رێکەوتی 2022/1/9 کە لە ناوبازاری سۆران دوو کەسی بەرەگەز (ئێرانی) لەڕێگەی فێڵکردن بڕی هەزار و 500 دۆلاری ئەمەریکی و یەک ملیۆن دیناری عیراقییان لە دوکاندارێک دزیوە، لەڕێگەی بەدواداچوونی مەفرەزەکانی نووسینگەی نەهێشتنی تاوانی سۆران توانرا کەسەکان بناسرێنەوە و شوێنی مانەوەیان دیاری بکرێت.
باسی لەوەشکردووە، ئەو دوو کەسە لە قەزای شەقڵاوە بوون و بەهاوکاری بنکەی پۆلیسی شەقڵاوە شەوی رابردوو تۆمەتباران دەستگیرکران و دەرکەوت کەسێکی دیکەشیان لەگەڵ بووە و دەستیشگیرا بەسەر بڕێک پارەو و هەندێ کەل و پەلی دیکەدا.
بەرێوەبەرایەتیی پۆلیسی سۆران دەڵێت "لەئێستادا تۆمەتباران بەبڕیاری دادوەر راگیراون و لێکۆڵینەوە لەگەڵیاند بەردەوامە".
ر. ئ.
بەرێوەبەرایەتیی پۆلیسی سۆران دەڵێت "لەئێستادا تۆمەتباران بەبڕیاری دادوەر راگیراون و لێکۆڵینەوە لەگەڵیاند بەردەوامە".
ر. ئ.