مەودا میدیا-

بەڕێوەبەرایەتیی پۆلیسی هەولێر دەستگیرکردنی دوو تۆمەتباری بە تۆمەتی "ئاژاوەگێڕی و هەڵگرتنی چەکی بێمۆڵەت" راگەیاند.

لە راگەیەندراوێکدا بەڕێوەبەرایەتیی پۆلیسی هەولێر ئاماژەی بەوەکرد "بنکەی پۆلیسی شاوێس، دوو تۆمەتباریان بە ناوەکانی (م. ک. س) و (ا. د. ع) بە تۆمەتی ئاژاوەگێڕی و هەڵگرتنی چەکی بێمۆڵەت دەستگیرکردووە".

 

باسی لەوەشکردووە "لە کاتی دەستگیرکردنی تۆمەتباراندا، دەست بەسەر دەمانچەیەکی بێمۆڵەتیشدا گیراوە، پەڕاوی لێکۆڵینەوە بۆ تۆمەتباران کراوەتەوە".

 

بەپێی یاسای چەک، جگە لە هێزە ئەمنییەکان و پاسەوانان، خاوەن کۆمپانیاکان و ئەوانەی سەرمایەیەکی زۆریان هەیە دەتوانن مۆڵەتی چەک وەربگرن. 

ر. ئ.