مەودا میدیا-

دەوامی فەرمانگە حکومییەکان لە سنووری پارێزگای سلێمانی ئاسایی دەبێتەوە و پارێزگاریش رایدەگەیەنێت بۆ هەر بڕیارێکی لەناکاو دەسەلات دراوە بە یەکە ئیدارییەکان.

هەڤاڵ ئەبوبەکر، پاریزگاری سلێمانی لە راگەیەنراوێکدا ئەوەی خستەڕوو "دامودەزگا حکومییەکان بۆ خزمەتکردنی هاووڵاتیان، لە کاری ڕۆژانەی خۆیاندا بەردەوام دەبن".

ئاماژەی بەوەکردووە "لە سبەینێ دووشەممە 24ی کانوونی دووەمی 2022 وە، لە سنوری پارێزگای سلێمانیدا دەوام ئاسایی دەبێتەوە".

لە راگەیەنراوەکەدا ئەوەش هاتووە "دەسەڵاتی تەواو دراوە بە سەرۆکی هەموو یەکە کارگێڕییەکانی سنووری پارێزگای سلێمانی، لە هەر دۆخێکی لەناکاو و نائاسایی و نەخوازراودا بڕیاری پێویست تایبەت بە سنوری کارگێڕیی ئیدارەکانیان بدەن".

ب.م