ئێران بڕیارێکی لەبارەی دراوی دیجیتاڵییەوە دەرکرد

گێتی

ئێران بڕیارێکی لەبارەی دراوی دیجیتاڵییەوە دەرکرد

مەودا میدیا - سلێمانی | 2022/01/28

مەودا میدیا-

سەرچاوە هەواڵییەکانی ئێران رایگەیاندووە بەزوویی دراوێکی دیجیتاڵی ناوخۆیی لەو وڵاتە دەخرێتە بازاڕ بە ناوی "رەمزریاڵ" هەرچەندە بانکی ناوەندیی ئێران ساڵی 2018 کڕین و فرۆشتنی دراوی دیجیتاڵی بیتکۆینی لەو وڵاتە قەدەغەکرد.

جێگری سەرۆکی بانکی ناوەندیی ئێران بۆ کاروباری تەکنیکی دەڵێت "دراوی دیجیتاڵی نێوخۆیی بە بڕیاری رێبەری ئەو وڵاتە بەرهەمهاتووە و ئامانج لێی دەستەبەرکردنی سەروەریی دراوی نیشتمانییە".

ئێران دەڵیت " بیتکۆین بۆ دابینکردنی سەرچاوەکانی تیرۆر و هەروەها ئاڵوگۆڕی دراو لەنێوان تاوانباران بەکار دەهێندرێت".

کۆمیسیۆنی ئابووریی پەرلەمانی ئێران پێشتر وتی "ساڵانە بە بەهای 1.1 ملیار دۆلار دراوی دیجیتاڵی لەو وڵاتە بەرهەمدێت و ئەو جۆرە دراوە بۆ دەوردانەوەی گەمارۆکان بەکاردێنن".

ک. ر.