مەودا میدیا-

ئەمەریکا، بەریتانیا و ئیسرائیل و چەند وڵاتێکی دیکەش داوا لە هاوڵاتییانیان دەکەن لە کورترین ماوەدا ئۆکرانیا جێبهێڵن، هەتاوەکو قەدەخەی گەشتکردن لەو وڵاتە رانەگەیەندراوە.

 

دوای بەرزبوونەوەی گرژییەکانی نێوان رووسیا و ئۆکرانیا، هەریەکە لە وڵاتانی (ئەمەریکا، بەریتانیا، ئیسرائیل، ئوسترالیا، هۆڵەندا، ژاپۆن، کۆریای باشوور، لاتیڤیا، نیوزلەندا و فنلەندا) داوایان لە هاوڵاتییانیان کرد ئۆکرانیا جێبهێڵن، هەروەها حکومەتی بەریتانیا گەشتکردنی بۆ ئۆکرانیا قەدەخەکردووە. 

ئەم مەترسییانە دوای ئەوە دێن کە رووسیا دەیان هەزار سەربازی لە نزیک سنوورەکان ئۆکرانیا جێگیرکردووە، رووسیا داوای گەرەنتی لە وڵاتانی ناتۆ دەکات کە هێزەکانیان لە رۆژهەڵاتی ئەوروپا بکشێننەوە.

ئەوە لەکاتێکدایە روسیا لەزاری بەرپرسانییەوە چەندین جار دووپاتیكردووەتەوە كە هیچ نیازێكی بۆ هێرشكردنەسەر ئۆكرانیا نییە، جموجوڵە سەربازییەكانی لەنێو سنوورەكانی خۆیدایە و هەڕەشەنییە بۆسەر هیچ لایەك.

ر. ئ.