مەودا میدیا-

دادگای تاوانەكانی 3ی سلێمانی سزای 6 ساڵ زیندانی بەسەر تیرۆرستێك سەپاند بە تاوانی پەیوەندی بە چەكدارانی داعش.

ئاسایشی رۆژئاوای سلێمانی لە راگەیەندراوێكدا بڵاویكردەوە "تۆمەتبار حەسەن محسن ئیبراهیم لە دایكبووی ساڵی 1988 دانیشتوی شاری حەویجە دوای ئەوەی لە ساڵی 2018 لە لایەن هێزەكانی ئاسایشی رۆژئاوای سلێمانی بە تاوانی پەیوەندی بە گروپی چەكدارانی داعش دەستگیركرا دادگای تاوانەكانی 3ی سلێمانی سزایدا".

ئاماژە بەوەشكراوە "ناوبراو دوای ئەوەی دانی بە تاوانەكانی ناوە و پەیوەندی بە گروپەكەوە هەبووە دادوەر بە 6 ساڵ زیندانی سزاى داوه و رەوانەی چاكسازی گەورانی سلێمانی كراوە بۆ تەواكردنی ماوەی سزاكەی".