مەودا میدیا-

لەمیانەی وتارێکی ڤیدیۆیدا بۆ یەکێتی ئەورپا سەرۆکی ئۆکرانیا رایگەیاند، ئۆکرانیا دەیەوێت لەگەڵ ئەوروپا بێت و دڵخۆشن بە پشتیوانی کردنیان.

ڤۆلۆدمیر زێلێنسکی، سەرۆکی ئۆکرانیا لەڕێی ڤیدیۆوە وتارێکی بۆ پەرلەمانی ئەوروپا پێشکەش کرد و رایگەیاند، ئۆکرانیا رووبەڕووی کارەسات بووەتەوە و رۆژانە دەیان کەس دەکوژرێن و رووسیا مووشەک ئاراستەی منداڵان دەکات.

زێلێنسکی دەشڵێت، لەئێستادا لەگەڵ واقیعێکی تاڵدا مامەڵە دەکەن و دەجەنگن لەپێناو ئازادی خاکی وڵاتەکەیان و گەلی ئۆکرانیا پەرۆشە بۆ بەرگری کردن لە مافەکانی.  

ئاماژەی بەوەشکردووە، دڵخۆشن بە پشتیوانی وڵاتانی ئەوروپا و ئۆکرانیا دەیەوێت لەگەڵ ئەوروپا بێت و لە پێناو ئەو ئامانجەدا دەجەنگن، داواشی لە ئەوروپا کرد کە بۆیان بسەلمێنن بە کردار لەگەڵ ئۆکرانیان. 

ر. ئ.