هەولێر؛ ژنێک لەسەر شەقام کوژرا

دۆزی ژن

هەولێر؛ ژنێک لەسەر شەقام کوژرا

مەودا میدیا - سلێمانی | 2022/03/07

مەودا میدیا-

پۆلسی هەولێر کوژرانی ژنێکی تەمەن 20 ساڵی بەناوی (ئیمان سامی ) لەسەر شەقامی 100 مەتری راگەیاند.

بەگوێرەی راگەیەندراوێکی بەڕێوەبەرایەتیی پۆلیسی هەولێر کە ئەمڕۆ دووشەممە بڵاویکردووەتەوە، درەنگانی شەوی رابردوو ئاگادارکراونەتەوە لە بوونی رووداوێکی کوشتن لە شەقامی 100 مەتری نزیک چواڕێیانی فڕۆکەخانەی ھەولێری نێودەوڵەتی.

لە راگەیەندراوەکەی پۆلیسدا ئەوەش هاتووە، دەست بەجێ تیمێکی لێکۆڵینەوە گەیشتنە شوێنی مەبەست دەستکرا بە لێکۆلینەوە، لە دەرئەنجامی سەرەتایی دەرکەوت کە کوژراوەکە ئافرەتێکە بەناوی (ئيمان سامی مەغديد) و تەمەنی (20) ساڵە.

ئەوەشی خستووەتەڕوو، لەئێستادا ھێزەکانی بەرێوەبەرایەتیی پۆلیسی پارێزگای ھەولێر سەرقاڵی لێکۆلینەوەن لەسەر ھۆکاری رووداوەکە و دۆزینەوەی بکەری ئەنجامدانی تاوانەکە.

ر. ئ.