مەودا میدیا-

بڕیارەکەی سەرۆکی ئەمەریکا بۆ سەپاندنی باجی زیاتر بەسەر رووسیادا، وایکرد بەمشەوە نرخی زێڕ بە ئاستێکی بەرچاو بەرزببێتەوە، بەجۆرێک نرخی یەک ئۆنسە زێڕ گەیشتە 2 هەزار و هەشت دۆلار.

لەماوەی هێرشەکانی رووسیا بۆسەر ئۆکرانیا نرخی زێڕ بەردەوام لە بەرزبوونەوەدابووە، ئەمشەویش دوای ئەوەی جۆ بایدن، سەرۆکی ئەمەریکا  رایگەیاند، هاوردەی نەوت و غاز لە رووسیاوە بۆ وڵاتەکەی قەدەغە دەکەن، نرخی زێڕ بە بەهای زیاتر لە پێنج دۆلار بەرزبووە و لەئێستادا یەک ئۆنسە زێڕ بە 2 هەزار و هەشت دۆلار مامەڵەی پێوەدەکرێت.

بەرزبوونەوەی زێڕ بەرزترین ئاستی هەفتانەیە لە ساڵی 2020ەوە، هۆکارەکەشی بۆ مەترسی و کاریگەری سزاکانی رۆژئاوا بۆ سەر رووسیا دەگەڕێتەوە کە مەترسی لەسەر ئابووریی جیهانی داناوە.

شەڕی رووسیا و ئۆکرانیا و سزا ئابوورییەکانی رۆژئاوا بەتایبەت ئەمەریکا بۆسەر رووسیا کاریگەری راستەوخۆ لەسەر نرخی زێڕ دادەنێت.

ر. ئ.