مەودا میدیا-

وەزارەتی حەج و عومرەی سعودیە پلانی بۆ پێشوازیکردن لە حاجیان رایگەیاند و ئاشکرایدەکات، ئەمساڵ ژمارەی حاجیان بەرزدەکاتەوە و پێشوازی لە یەک ملیۆن حاجی ناوخۆ و دەرەوە دەکات.

لە راگەیەندراوێکدا وەزارەتی حەج و عومرەی سعودیە ئاماژەی بەوەکرد، بۆ ئەمساڵ لە ناوەوە و دەرەوەی سعودیە پێشوازی لە یەک ملیۆن حاجی دەکەن، بەپێی ئەو رێژەیەی بۆ وڵاتان دیاریکراوە.

هاوکات سعودیە دوو مەرجی بۆ حاجیان دیارکردووە، ئەو کەسانەی سەردانی مەککە دەکەن، تەمەنیان لە 65 ساڵ زیاتر نەبێت، هەروەها دەبێ پشکنینی کۆرۆنایان پێ بێت و 72 کاتژمێری بەسەردا تێنەپەڕی بێت.

وەزارەتی حەج و عومەری سعودیە رێنمایی سەردانیکەرانی مەککە دەکات، لەکاتی جێبەجێکردنی ئەرکە ئایینییەکان رێنمەکانی خۆپارێزی لەبەرچاو بگرن.

ر. ئ.