مەودا میدیا-

بەڕێوەبەری چاودێری بازرگانی سلێمانی رایدەگەیەنێت هەر دوكان و شوێنێك نرخ گران بكات بە توندی سزای دەدەین و رووبەڕووی یاسای دەكەینەوە.

سۆران غەفور، بەڕێوەبەری چاودێری بازرگانی سلێمانی بە مەودا میدیای راگەیاند "داوا لە دوكانداران و كۆگاو سۆپەرماركێتەكان دەكەین بە هیچ شێوەیەك بیر لەوە نەكەنەوە نرخ بەرزبكەنەوە بەهۆی ئەوەی باس لە بڵاوبوونەوەی نەخۆش كۆرۆنا كراوە لە وڵاتانی دراوسێ".

ئەوەشی خستەڕوو "هەر دوكان و شوێنێك نرخ بەرزبكاتەوە زۆر بە توندی سزا دەدرێن و غەرامە دەكرێت و شوێنەكەی دادەخرێت و رووبەڕووی ياساش دەبێتەوە".

لە بارەی دەمامكەوە وتیشی "هەر دوكان و شوێنێك بیشارێتەوە یان گران بیفرۆشێت توشی سزای یاسایی دەبێت".

سۆران غەفور داواشی لە هاوڵاتیان كرد "لە  هەرشوێنێك زانیان نرخ بەرزكراوەتەوە لیژنەكانی قائیمقامیەت ئاگاداربكەنەوە".