مەودا میدیا-

لە ئێران كەسێكی دیكە بەھۆی ڤایرۆسی كۆرۆناوە لە گیانی لەدەستداوە و 28 کەسی دیکەش توشی ڤایرۆسەکە بوون.

وه‌زاره‌تی ته‌ندروستی ئێران رایگەیاند "لە پارێزگای مەركەزی ئه‌و وڵاته‌ بەھۆی ڤایرۆسی كۆرۆناوە گیانی لەدەستدا، بەم شێوەیەش ژمارەی ئه‌و كه‌سانه‌ی بەھۆی تووشبوون بە ڤایرۆسەكەوە گیانیان له‌ده‌ستداوه‌ گەیشتە 6 كەس".

ئەوەشی خستووەتەڕوو "ئێستا 785 کەس لەو وڵاته‌ گومانی توشبوون بە ڤایرۆسی کۆرۆنایان لەسەرە و لە ژێر چاودێریدان، دوای ده‌رچوونی پشكنینی پزیشكی ده‌ركه‌وتووه‌ كه‌ له‌و رێژه‌یه‌ 28 کەسیان هەڵگری ڤایرۆسی کۆرۆنان".