مەودا میدیا-

جێگری سەرۆكی كۆمەڵەی كێڵگە پەلەوەرییەكانی سلێمانی رایدەگەیەنێت نرخی مریشك لە كێڵگەكانەوە دابەزیوە.

نازم عەبدوڵا، جێگری سەرۆكی كۆمەڵەی كێڵگە پەلەوەرییەكانی پارێزگای سلێمانی بە مەودا میدیای راگەیاند "لە ماوەی چەند رۆژی ڕابردوو نرخی مریشك لە كێڵگە پەلەوەرییەكان دابەزیووە، ئەوەش دوای ئەوە دێت كە پێش هەفتەیەك نرخ لە بازاڕ گرانبوو".

ئاماژەی بەوەشكرد "ئێستا لە كێڵگەكانەوە نرخی یەك كیلۆ مریش بە كەمتر لە 2 هەزار دینار دەخرێتە بازاڕەوە و ئەو نرخەش كەمە و بەهۆیەوە خاوەن كێڵگەكان لە زەرەدان".

دابەزینی نرخی مریشك لە كاتێكدایە هەفتەی پێشووتر نرخی یەك كیلۆ مریشك بە 3 هەزار دینار بوو لە بازاڕدا.