مەودا میدیا-

دەستەی کەشناسیی عیراق رایگەیاند، شەپۆلێکی بەھێزی خۆڵبارین لە رۆژی ھەینییەوە روو لە عیراق دەکات و لە ناوچەکانی باشوور ئاستی بینین کەمدەبێتەوە بۆ کەمتر لە یەک کیلۆمەتر.

لە راگەیەندراوێکدا کەشناسیی عیراق پێشبینی کەشوھەوای چەند رۆژی داھاتووی بڵاوکردەوە و ئاماژە بەوەدەکات، ئەو شەپۆلە خۆڵبارینەی روو لە عیراق دەکات کاریگەری لەسەر ھەرێمی کوردستانیش دەبێت.

باسی لەوەشکردووە، بەھۆی خۆڵبارین لە بەشێک لە ناوچەکانی ھەرێمی کوردستان مەودای بینین کەمدەبێتەوە بۆ کەمتر لە چوار کیلۆمەتر.

لەبارەی رۆژی شەممەشەوە ئاشکرایدەکات، خۆڵبارین بەردەوامی دەبێت و لەکاتی خۆڵباریندا مەودای بینین کەمدەبێتەوە بۆ کەمتر لە سێ کیلۆمەتر.

ر. ئ.