مەودا میدیا-

بەگوێرەی هەواڵێکی بی بی سی بەریتانی بۆریس جۆنسن، سەرۆک وەزیرانی بەریتانیا دەستی لە سەرۆکایەتیی پارتەکەی کێشاوەتەوە و رەنگە لە چەند کاتژمێری داهاتووشدا دەست لە پۆستی سەرۆک وەزیران بکشێنێتەوە.

بی بی سی کە میدیای فەرمی بەریتانیایە بڵاویکردەوە، بۆریس جۆنسن، دەستی لە سەرۆکایەتیی پارتەکەی کە پارتی پارێزگارانە کێشاوەتەوە و دەیەوێت کەسێك لە پارتەکەی کە بخرێتە شوێنەکەی.

هەرچەندە تائێستا میدیای فەرمی بەریتانیا دەست لەکارکێشانەوەی بۆریس جۆنسنی لە پۆستی سەرۆک وەزیرانی بەریتانیا بڵاونکەردووەتەوە، بەڵام پێدەچێت لە چەند کاتژمێری دهاتوودا دەست لە پۆستی سەرۆک وەزیرانیش بکشێنێتەوە، لە بەیاننامەیەکدا بۆ رایگشتی بڵاوبکاتەوە.

ساجید جاڤید، وەزیری تەندروستی وەکو یەکەمین وەزیری حکومەتی بەریتانیا سێشەممەی رابردوو دەستی لەکارکێشایەوە و تائێستا (55) وەزیر و دەسەڵاتداری حکومەتەکەی جۆنسن دەستیان لەکارکێشاوەتەوە.

ر. ئ