مەودا میدیا-

بەهۆی رووداوێكی هاتووچۆ لەسەر رێگای دەربەندیخان- وارماوا دوو كەس گیانیان لەدەستدا، شۆفێری ئۆتۆمبێلەكە دەستگیركراوە و لێكۆڵینەوەى لەگەڵ دەكرێت. 

پێش نیوەڕۆی ئەمڕۆ پێنجشەممە 27ی شوبات بەهۆی رووداوێكی هاتووچۆ لەسەر رێگای دەربەندیخان- وارماوا بەهۆیەوە دوو كەس گیانیان لەدەستداوە و كەسێكیش برینداربووە.

رووداوەكە لە نێوان دوو ئۆتۆمبێلی جۆری بارهەڵگر و هیۆندای تۆكسۆن بووه، لەئەنجامدا دوو لە سەرنشینەكانی هیۆنداكە گیانیان لەدەستداوە.

بەپێی زانیارییەكان لە ئێستادا شۆفێری بارهەڵگرەكە دەستگیركراوە و لێكۆڵینەوەی لەگەڵ دەكرێت.