مەودا میدیا-

وەزارەتی تەندروستی عیراق بڵاویكردەوە، پێنج كەسی تر لە ناوچەكانی عیراق توشبوونیان بە ڤایرۆسی كۆرۆنا پشتڕاست كرایەوە.

لە راگەیەندراوێكی وەزارەتی تەندروستی عیراق هاتووە "ئەمڕۆ شەممە پێنج حاڵەتی نوێی توشبوون بە ڤایرۆسی كۆرۆنا لە چەند ناوچەیەكی عیراق تۆماركرا".

ئەوەش باسكراوە "ئەو كەسانەی توشبوون لە رەسافەو بابل و كەرخ بوون و دوای ئەوەی پشكنینیان بۆ كراوە دەركەوتووە هەڵگری ڤایرۆسەكەن".

ئەو پێنج حاڵەتە نوێیەی كۆرۆنا لە كاتێكدایە لە ماوەی هەفتەی رابردوو شەش حاڵەتی توشبوون بە كۆرۆنا لە عیراق تۆماركراوە.