مەودا میدیا-

لێپرسراوێکی باڵای حکومەتی ئێران پلانێکی درێژمەودای لەنێوان ئێران و عیراق و سوریا راگەیاند بۆ بەرنگاربوونەوەی دیاردەی خۆڵبارین.

عەلی سەلاجقە، سەرۆكی دامەزراوەی پاراستنی ژینگەی ئێران رایگەیاند "بە مەبەستی بەرەنگاربوونەوەی شەپۆلەكانی خۆڵبارین، پسپۆڕانی بواری ژینگەی هەر یەك لە وڵاتانی عیراق و ئێران و سوریا کۆبوونەتەوە و بەرنامەیەکی چڕیان بۆ کەمکردنەوەی دیاردەی خۆڵبارین داناوە".

وتیشی "پلان و بەرنامەی پسپۆڕانی ژینگە زیاتر لە 10 ساڵ دەخایەنێت".

ئەوەشی ئاشکرا کرد "بەشێک لە پلانی بەرنگاربوونەوەی خۆڵبارین، بریتییە لە بوژانەوەی کشتوکاڵ و رووبەری سەوزایی".

ئەوەش لەکاتێکدایە بە هۆی گرتنەوەی ئاوی رووبارەکانی عیراقەوە لەلایەن ئێران و تورکیا، بەشێکی گەورەی زەوییە کشتوکاڵییەکانی باشووری عیراق وشکبوون. هەروەها زۆربەی دەشتەکانی ئەو ناوچانە گۆڕاون و بوون بە بیابان.

ر. ئ