مەودا میدیا-

وەزارەتی دەرەوەی ئەمەریکا راگەیەندراوێکی لەبارەی دۆخی عیراق بڵاوکردەوە و رایدەگەیەنێت نابێت ئارامی، سەقامگیری و سەروەریی عێراق بخرێتە مەترسییەوە.

لە راگەیەندراوێکدا وەزارەتی دەرەوەی ئەمەریکا رایگەیاند "راپۆرتەکانی تایبەت بە دۆخی عیراق جێگەی نیگەرانین و نابێت ئارامی، سەقامگیری و سەروەریی عیراق بخرێتە مەترسییەوە". 

ئاماژە بەوەشدەکات "بەکارهێنانی تووندوتیژی سەرکۆنە دەکەین، دەبێت لایەنە پەیوەندیدارەکان ئارام بن و بڕیارێک نەدەن کە لە زیانی هاوڵاتییان بێت".

ئەوەشخراوەتەڕوو "خۆپێشاندانی ئاشتییانە بنەمایەکی سەرەکیی هەموو دیموکراسییەکانە، بەڵام دەبێت خۆپێشاندەرانی عیراقیش رێز لە موڵک و دامەزراوەکانی حکومەتی عیراق بگرن".

س.ر