مەودا میدیا-

بڕیارە ئەمڕۆ پەرلەمانی عیراق بەمەبەستی دەنگدان بە کابینەی نوێی حکومەتی عیراق کۆىێتەوە کە محەمەد تۆفیق عەللاوی سەرۆکایەتی دەکات.

ئارەزوو مەحمود، پەرلەمانتاری عیراق لە فراکسیۆنی یەکێتیی نیشتیمانی کوردستان بە مەودا میدیای راگەیاند "ئەمڕۆ یەکشەممە پەرلەمانی عیراق کاتژمێر 1:00ی پاشنیوەڕۆ بۆ دەنگدان لەسەر کابینەکەی محەمەد تۆفیق عەللاوی کۆدەبێتەوە"

ئەمەش لەکاتێکدایە، رۆژی پێنجشەممەی رابردوو کۆبوونەوەی پەرلەمانی عیراق بەهۆی ناکۆکی نێوان لایەنەکان دوخرا بۆ دوێنی شەممە، بەڵام لەسەر داوای عەللاوی کۆبوونەوەکەی دوێنی دواخرا بۆ ئەمڕۆ یەکشەممە.