مەودا میدیا- ژیار ئازاد

جێگری وەزیری بەرگریی پۆڵندا رایگەیاند، ئامادەکارییەکانمان بۆ پێکدادانی سەربازی لەگەڵ رووسیا دەستپێکردووە و پێشبینی دەکەین هێرشبکاتە سەرمان.

مارسین ئۆسیبا، جێگری وەزیری بەرگریی پۆڵندا رایگەیاند "ئەگەرێکی بەهێزی پێکدادانی سەربازی نێوان رووسیا و وڵاتەکەی لەنێوان سێ تا 10 ساڵی دیکە لە ئارادایە و لەئێستاوە دەستییان بە ئامادەکارییە جەنگییەکان و کڕینی چەکی پێشکەوتووی قورس کردووە ".

ئاماژەی بەوەشکردووە "هەرچەندە بودجەی وەزارەتی بەرگری کەمبووەتەوە، بەڵام پارەی پێویست بۆ جێبەجێکردنی تەواوی پلانەکان لەبەردەستە و ژمارەی سەربازانی سووپا دەگەیەنینە 300 هەزار سەرباز".

ئەمە لەدوای ئەوەدێت، لە کۆتاییەکانی مانگی شوباتی ئەمساڵدا رووسیا هێرشی کردەسەر ئۆکرانیا و دوای زیانێکی زۆری گیانیی و مادیی بەو وڵاتە تاوەک و ئێستا جەنگ کۆتایی نەهاتووە.

ر. ئ