مەودا میدیا-

کچێکی تەمەن 16 ساڵی خەڵکی سەردەشت بە ناوی "فەرزانە ئیبراهیم زادە" ئاگری لە جەستەی خۆی بەردا و دواتر لە نەخۆشخانە گیانی لەدەستدا.

ئەمڕۆ شەممە 10ی ئەیلولی 2022 رێکخراوی مافی مرۆڤی هەنگاو بڵاویکردەوە، رۆژی شەممەی رابردوو 3ی ئەیلولی 2022 کچێکی تەمەن 16 ساڵی خەڵکی سەردەشت بە ناوی "فەرزانە ئیبراهیم زادە" دوای ئەوەی خێزانەکەی رێگەنادەن هاوسەرگیری لەگەڵ خۆشەویستەکەی بکات ئاگر لە جەستەی خۆی بەردەدات.

سەرچاوەکانی هەنگاو ئاشکرایانکردووە، فەرزانە بەهۆی سەختی برینەکەیەوە گیانی لەدەستداوە، هۆکاری بە شونەدانی فەرزانەش لەلایەن خێزانەکەیەوە بۆ ئەوە دەگەڕێتەوە فەرزانە تەمەنی منداڵ بووە.

س.ر