مەودا میدیا- رێبین ئەشرەف

کەشناسێکی کورد رایدەگەینێت، بەهۆی ئەو بارانەی لە دوو رۆژی رابردوو هەندێک لە ناوچەکانی هەرێمی کوردستانی گرتەوە، دابەزینی بارستە هەوایەکی سارد لە وڵاتی تورکیا بۆ ناوچەکە، شەوان سارد دەبێت و لە ناوچە شاخاوییەکان پێویسیت بە بەکارهێنانی گەرمکەرەوە دەکات.

پشتیوان ئیبراهیم، شارەزای دیاری کەشناسیی هەرێمی کوردستان لە لێدوانێکدا تایبەت بۆ مەوەدا میدیا رایگەیاند "بەهۆی ئەو بارانەی بەشێک لە ناوچەکانی هەرێمی کوردستانی گرتەوە لە ئەمڕۆ هەینی 23/9/2022 کەشێکی تا رادەیەک فێنک لە ناوچەکانمان دروستدەبێت".

ئاماژەی بەوەشکرد "هاوکات بەهۆی دابەزینی بارستە ھەوایەکی سارد لە وڵاتی تورکیا بۆ سەر ناوچەکە بۆ ماوەیەکە نزمبوونەوە لە پلەکانی گەرما روودەدات و لە شەواندا کەشەکە زیاتر سارد دەبێت بەتایبەتی لە ناوچە شاخاوییەکان پێویست بە گەرم کەرەوە دەکات".

وتیشی "پاشان لە رۆژی دووشەممە 26/9/2022 کاریگەری ئەم بارستە ھەوایە نامێنێت و پلەکانی گەرما بەرەو بەرزبوونەوە بۆ سەروو تێکرای ئاسایی خۆی بەرز ئەبێتەوە".

ر. ئ