مەودا میدیا-

وەزارەتی تەندروستی عیراق تۆمارکرنی دوو حاڵەتی دیکەی ڤایرۆسی کۆرۆنا لە بەغدا راگەیاند کە هەردووکیان لە ئێرانەوە گەڕاونەتەوە عیراق، بەمەش ژمارەی توشبووان بە ڤایرۆسەکە گەیشتە 21 کەس.

وەزارەتی تەندروستی عیراق لە راگەیاندراوێکدا ئاشکرایکرد "دوو حاڵەتی دیکەی توشبووی بە ڤایرۆسی کۆرۆنا لە ناوچەی رەسافەی بەغدا تۆمارکراون کە لە وڵاتی ئێران گەڕاونەتەوە".

ئاماژەبەوەشکراوە "هەردوو کەسەکە لە دوای ئەنجامدانی پشکنین بۆیان دەرکەوتووە دەرکەوتووە کە هەڵگری ڤایرۆسەکەن و  ئێستاش لە ژێر چاودێری تەندروستییدان".