مەودا میدیا-

بەپێی بەیاننامەیەكی وەزارەتی دەرەوەی عیراق، وڵاتی چین وەك هاوكاریەك تیمێكی تەندروستی بۆ نەخۆشی كۆرۆنا رەوانەی عیراق دەكات.

لە بەیاننامەكەی وەزارەتی دەرەوەی عیراق هاتووە "بەمەبەستی زیاتر رووبەڕووبوونەوەی نەخۆشی كۆرۆناو بۆ هاوكاری تیمە تەندروستییەكانی عیراق، وڵاتی چین تیمێكی تەندروستی شارەزا لە بواری كۆرۆنا رەوانەی عیراق دەكات".

ئاماژە بەوەشكراوە "ئەو هەوڵە لەكاتێكدایە دوێنێ دووشەممە باڵوێزی چین لە عیراق سەردانی بریكاری وەزارەتی دەرەوەی عیراقی كردووە و لەسەر ئەو پرسە هەماهەنگیان كردووە".