مەودا میدیا- كاروان مەحمود 

لە عیراق جۆرێك دیناری نوێ دەكەوێتە بازاڕەوە و ئەندامێكی لیژنەی دارایی ئەنجومەنی نوێنەرانیش دەڵێت "ئەوەی باسكراوە 20 هەزار دیناری چاپ دەكرێت، بەڵام تا ئێستا دیاری نەكراوە كەی بە رەسمی لە بازاڕەكان مامەڵەی پێوە دەكرێت".

جەمال كۆچەر، ئەندامی لیژنەی دارایی ئەنجومەنی نوێنەران بۆ مەودا میدیا وتی "باس لەوەكراوە بۆ كشانەوەی بڕێك پارەی جۆری 10 هەزار دیناری و 25 هەزار دیناری ئامادەكاری دەكرێت بەهۆی كۆنبوونیان و لە بری ئەوانیش جۆرێك دیناری دیكە چاپ دەكرێت ئەویش 20 هەزار دینارییە".

راشیگەیاند "تا ئێستا بەرەسمی دیاری نەكراوە كەی دێتە بازاڕەكان و مامەڵەی پێوە دەكرێت".

سەبارەت بەوەی باسدەكرێت  100 هەزار دیناریش چاپدەكرێت، ئەندامەكەی لیژنەی دارایی وتی "تا ئێستا بەڕەسمی باسی 100 هەزار دیناری نەكراوە و ئاگادار نیم لەو بابەتە".

ك. م