مەودا میدیا- ژاڵە محەمەد

 تەندروستیی ئەڵمانی هۆشداری دەدات لە بەکارهێنانی زۆری ڤیتامین C و مەترسی دروستبوونی بەردی گورچیلە بە تایبەت لەو کەسانەی فشار خوێنیان لەسەرەوەیە و ئەو کەسانەشی شەکرەیان هەیە یان کەسانێک کە ئاو کەم دەخۆنەوە.

 نیشانەکانی دەرکەوتنی بەردی گورچیلە"
1- ئازارێکی زۆر لە بەشی خوارەوەی پشت و سکی مرۆڤ دروست دەبێت.
2- زوو زوو هەستکردن بە میزکرد و دواتر میزی کەم.
3- ئازار لەکاتی میز کردن و تێکەڵبوونی خوێن لەگەڵ میزەکە.
4- دروستبوونی تاولەرز.
5- دڵ تێکەڵبوون و رەشانەوە.

بۆ رێگریکردن لە دروستبوونی بەردی گورچیلە، باشترە بۆ خواردنی ڤیتامین c لە گەڵ پزیشک قسە بکرێت و هەندێک هۆکاریش هەن وادەکات گورچیلەکان بەرد دروستبکەن.

 کەمئاویی لە لەشدا هۆکارە بۆ دروستبوونی بەردی گورچیلە، ئەو کەسانەی لەناوچە گەرمەکان دەژین و زۆر ئارەق دەکەنەوە و ئاویی لەشیان کەمە زیاتر تووشی ئەم نەخۆشییە دەبنەوە.

ئەگەر لە رۆژدا کەمتر لە لیترێک میز بکەی ئەوا مەترسی دروستبوونی بەردی گورچیلە هەیە، پیاواز زیاتر لە ژنان تووش دەبن، قەڵەوەیی و هەندێک لە نەخۆشییەکانی ریخۆڵەش هۆکارن بۆ دروستبوونی بەردی گورچیلە.

س.ر