مەودا میدیا- ژاڵە محەمەد

زۆرکەس شەوان لەکاتی خەودا گرفتیان بۆ دروست دەبێت و ناتوانن بەباشی بخەون، پزیشکانی پسپۆڕ لەبواری خۆراک باسی ئەو خواردنەوانە دەکەن کە یارمەتیدەرە بۆ خەوێکی باش و دوورکەوتنەوە لە تێکچوونی و زڕانەوەی خەو.

کۆمەڵێک خواردن و خواردنەوە هەیە بۆ ئەوەی شەوان بخورێت تاوەکو  یارمەتی خێرا نووستن و چارەسەی خەوزڕاندن بکات. 

-  خواردنەوەی کوپێک شیری گەرم، لەبەر ئەوەی مادەیەکی تێدایە یارمەتی زیاتر ڕژاندنی هۆرمۆنی سێڕۆتین ئەدات، ئەم هۆرمۆنەش یەکێکە لە هۆرمۆنەکانی دڵخۆشی، یارمەتی هێمن بوونەوە و کەمکردنەوەی قەلەقی ئەدات.

-  شەربەتی گێلاس و خواردنەوەی بەشەودا جگە لەسوودە تەندرووستییەکانی بۆ هێورکردنەوە بەسوودە و یارمەتی مرۆڤ دەدات باشتر خەویی لێبکەوێت.

-   بەپێی خواستی خۆت چای گوڵەبەیبوونی تەڕ یان وشک لەدوای پاڵاوتن بخۆرەوە.

-  نەعنای سەوز لەناو کووپێک ئاویی گەرم بکەو لەدوای 5 خولەک بخورێتەوە زۆر باشە.

-  ئاویی گوێزی هێندی لەبەر ئەوەی دەوڵەمەندە بە مەگنسێۆم و پۆتاسیۆم خواردنەوەی بەسوودە.

-  ئەگەر مۆز لەگەڵ شیر تێکەڵ بکرێت و وەک شەربەت بخورێتەوە ئەوا مرۆڤ دوور دەخاتەوە لەخەو زڕاندن.

 ژ.م