مەودا میدیا- ژاڵە محەمەد

 

رۆژی ١ی کانوونی یەکەمیی هەموو ساڵێک وەکوو رۆژی جیهانی بەرەنگاربوونەوەی ئایدز لە جیهاندا دەستنیشانکراوە، نەتەوە یەکگرتووەکان لەمڕۆژەدا داوای "دەستەبەرکردنی یەکسانی" دەکات و ئەو دروشمەش بووەتە دروشمی بەرەنگاربوونەوەی نەخۆشییەکە بۆ ئەمساڵ و سەرۆکی نەتەوە یەکگرتووەکان داوای یەکسانی دەکات بۆ رووبەڕوو بوونەوەی ئایدز چونکە نایەکسانی بووەتە کۆسپ لەبەردەم کۆتایهێنان بەو نەخۆشییە کە دەبوا لە ساڵی 2030 کۆتایی بە ئایدز بهاتبایە و گەشبین نین بە کۆتاییهاتنی.

بەگوێرەی نوێترین زانیارییەکانی UNAIDS لە ساڵی 2021 دا زیاتر لە یەک ملیۆن کەس تووشی ئایدز بوون و 650 هەزار کەسیش بەهۆی نەخۆشییەکەوە گیانیان لەدەستداوە.

هەر بەپێی ئامارەکان لەجیهاندا زیاتر لە 84 ملیۆن کەس تا ئێستا تووشی ئایدز بوون و لەو ژمارەیەش 40 ملیۆنیان بەهۆی نەخۆشییەکەوە گیانیان لەدەستداوە.

هەر بەپێی راپۆرتەکە منداڵانیش بێبەش نەبوون لە نەخۆشییەکە و لەساڵی 2021 دا 800 منداڵ هەڵگری ڤایرۆسەکە بوون.

ئایدز، نەخۆشییەکە دەبێتە ھۆی دابەزینی توانای کۆئەندامی بەرگری لەش، کە بەھۆی ڤایرووسی ئێچ ئای ڤییەوە تووشی مرۆڤ دەبێت، ئەیدز زیاتر بەھۆی زایەند و گواستنەوەی خوێنەوە دەگوازرێتەوە.

 

ژ.م