راپۆرت
"کە بەخشیت تەنها با لەنێوان خودی خۆت و خودا بێت"
مەودا میدیا - سلێمانی |
مەودا میدیا- ژاڵە محەمەد
لە کوردەواریدا دەوترێت کە بەخشیت تەنها با لەنێوان خودی خۆت و خودا بێت، مەبەست لێی با کەسی دیکە بەو بەخشینە نەزانێت، چونکە لەوانەیە کەسی وەرگر رووگیر بێت و پێیناخۆش بێت خەڵکی دیکە بزانێت کە هەژارە یان کەم دەستە.
بەخشش و کاری خۆبەخشی یەکێک لە نەریتە جوانەکان لەکوردستان، خەڵکی خۆبەخش بەردەوام چاویان لەخەڵکە هەژارەکەیە و دەستییان دەگرن، کەمن ئەو کەسانەی لەبەر ناوبانگ و خۆدەرخستن کاری خۆبەخشی دەکەن، لەجیهانیش کەسانی خۆبەخش زۆرن، هەرلەکەسە بەناوبانگەکان بگرە تاکوو کەسانی خاوەن سەرمایە.
لەپێناو چاکە و بەخشین نەتەوە یەکگرتووەکان رۆژێکی جیهانی بۆ کاری خۆبەشی و بەخشین داناوە کە 5ی دیسەمبەرە و بەرۆژی کار ناوبراوە و لەمڕۆژەشدا کار و چالاکی جیاواز رێکدەخرێت.
لە کوردستان لەلایەن رێکخراوەکان و خەڵکیشەوە چەندین كاری خۆبەخشی و بەهاناوەچوونی کەسانی دیکەدا ئەنجامدەدرێت، لە هاوکاریکردنی لێقەوماوان و ئاوارەکان و هەژاران، لەهەندێک وڵاتیش کاری خۆبەخشی بەئەندامانی جەستە و کاری خێرخوازی دیکە دەستپێدەکات بۆ ئەوەی ژیان ببەخشرێت بەو کەسانەی پێویستییان بە ئەندامێکی جەستەی کەسێکی ترە، بەڵام ئەوەش بە پێی مەرج و رێنمایی خۆی دەکرێت.
بەپێی راپرسییەک لەسەر ئاستی چەندین وڵات، لە وڵاتانی عەرەبی %20 کاری خۆبەخشی ئەنجامدەدریت. لە به‌ریتانیا ساڵانە 22 ملیون کەسی سەرەوەی 18 ساڵ کاری خۆبەخشی ئەنجامدەدەن، ھەروەھا ساڵانە چوار هەزار و 500 پرۆژەی خۆبەخشی لە لایەن گروپ و رێکخراوەکانی خۆبەخشی ئەنجام دەدرێت، لە وڵاتی فەڕه‌نسا ژمارەی خوبەخشەکان 12 ملیۆن کەسە و ساڵانە نزیکەی دوو هەزارو 800 خۆبەخش رەوانەی دەرەوەی وڵات دەکرێن بۆ یارمەتییدانی خەڵكی دیکە. وڵاتی سوید 9 ملیۆن دانیشتوی ھەیە کەچی ساڵانە پێنج ملیون كه‌سوکاری خۆبەخشی تێدا ئه‌نجام ده‌ده‌ن. لە وڵاتی ئەمەریکا کە گەورەترین کاری خۆبەخشی تێدا ئه‌نجام ده‌درێت، %70ی دانیشتووانیان کاری خۆبەخشی دەکەن. ھەروەھا زۆربەی وڵاتانی وەک ئەڵمانیا تورکیا و کۆریا كاری خۆبه‌خشی له‌بواری خوێندن و فێركردنه‌وه ئه‌نجام ده‌درێت.
لە کوردستان ئامارێکی فەرمیی سەبارەت بەکاری خۆبەخشی لەبەردەستدا نییە، بەڵام ئەوەی کە دەبینرێت بەخشین و یارمەتییدان لەناو کوردەکان زۆرە و رێکخراو و خەڵک بەردەوام بە هانای خەڵکی لێقەوماوە دەڕۆن و یارمەتیدەدەن.
لەم رۆژەدا مەرج نییە تەنها کاری خۆبەخشی بکرێت، بەڵکوو بەخشینی کەسەکانیش بەشێکە لەو ئاکارە جوانە، هەر بۆیە لیستێک لەو کەسانە ئامادەبکە کە بەنیازی بیانبەخشیت و پەیوەندییان پێوە بکە و لێیانببورە، چیرۆک و ئەزموونەکانی خۆت دەربارەی بەخشین بۆ خەڵکی باسبکە.
دەکرێت منداڵان هەر لە منداڵییەوە فێری کاری خۆبەخشی و گرنگی بکرێن، مێژووی رۆژی بەخشین دەگەڕێتەوە بۆ سەردەمی شەڕی جیهانی دووەم و داوای لێبوردنی فڕۆکەوانێک کە بووە هۆی بوردمان و سووتانی شاری برۆکینا لە ئەمریکا، هەروەها پیاوێک کە ویستی "ژان پۆلی دووەم" تیرۆر بکات لەلایەن ژان پۆلەوە بەخشرا و دوای ئەو دوو رووداوە نەتەو یەکگرتووەکان رۆژێک بەناوی بەخشینی لە جیهان دیاریکرد.
س.ر
لە کوردەواریدا دەوترێت کە بەخشیت تەنها با لەنێوان خودی خۆت و خودا بێت، مەبەست لێی با کەسی دیکە بەو بەخشینە نەزانێت، چونکە لەوانەیە کەسی وەرگر رووگیر بێت و پێیناخۆش بێت خەڵکی دیکە بزانێت کە هەژارە یان کەم دەستە.
بەخشش و کاری خۆبەخشی یەکێک لە نەریتە جوانەکان لەکوردستان، خەڵکی خۆبەخش بەردەوام چاویان لەخەڵکە هەژارەکەیە و دەستییان دەگرن، کەمن ئەو کەسانەی لەبەر ناوبانگ و خۆدەرخستن کاری خۆبەخشی دەکەن، لەجیهانیش کەسانی خۆبەخش زۆرن، هەرلەکەسە بەناوبانگەکان بگرە تاکوو کەسانی خاوەن سەرمایە.
لەپێناو چاکە و بەخشین نەتەوە یەکگرتووەکان رۆژێکی جیهانی بۆ کاری خۆبەشی و بەخشین داناوە کە 5ی دیسەمبەرە و بەرۆژی کار ناوبراوە و لەمڕۆژەشدا کار و چالاکی جیاواز رێکدەخرێت.
لە کوردستان لەلایەن رێکخراوەکان و خەڵکیشەوە چەندین كاری خۆبەخشی و بەهاناوەچوونی کەسانی دیکەدا ئەنجامدەدرێت، لە هاوکاریکردنی لێقەوماوان و ئاوارەکان و هەژاران، لەهەندێک وڵاتیش کاری خۆبەخشی بەئەندامانی جەستە و کاری خێرخوازی دیکە دەستپێدەکات بۆ ئەوەی ژیان ببەخشرێت بەو کەسانەی پێویستییان بە ئەندامێکی جەستەی کەسێکی ترە، بەڵام ئەوەش بە پێی مەرج و رێنمایی خۆی دەکرێت.
بەپێی راپرسییەک لەسەر ئاستی چەندین وڵات، لە وڵاتانی عەرەبی %20 کاری خۆبەخشی ئەنجامدەدریت. لە به‌ریتانیا ساڵانە 22 ملیون کەسی سەرەوەی 18 ساڵ کاری خۆبەخشی ئەنجامدەدەن، ھەروەھا ساڵانە چوار هەزار و 500 پرۆژەی خۆبەخشی لە لایەن گروپ و رێکخراوەکانی خۆبەخشی ئەنجام دەدرێت، لە وڵاتی فەڕه‌نسا ژمارەی خوبەخشەکان 12 ملیۆن کەسە و ساڵانە نزیکەی دوو هەزارو 800 خۆبەخش رەوانەی دەرەوەی وڵات دەکرێن بۆ یارمەتییدانی خەڵكی دیکە. وڵاتی سوید 9 ملیۆن دانیشتوی ھەیە کەچی ساڵانە پێنج ملیون كه‌سوکاری خۆبەخشی تێدا ئه‌نجام ده‌ده‌ن. لە وڵاتی ئەمەریکا کە گەورەترین کاری خۆبەخشی تێدا ئه‌نجام ده‌درێت، %70ی دانیشتووانیان کاری خۆبەخشی دەکەن. ھەروەھا زۆربەی وڵاتانی وەک ئەڵمانیا تورکیا و کۆریا كاری خۆبه‌خشی له‌بواری خوێندن و فێركردنه‌وه ئه‌نجام ده‌درێت.
لە کوردستان ئامارێکی فەرمیی سەبارەت بەکاری خۆبەخشی لەبەردەستدا نییە، بەڵام ئەوەی کە دەبینرێت بەخشین و یارمەتییدان لەناو کوردەکان زۆرە و رێکخراو و خەڵک بەردەوام بە هانای خەڵکی لێقەوماوە دەڕۆن و یارمەتیدەدەن.
لەم رۆژەدا مەرج نییە تەنها کاری خۆبەخشی بکرێت، بەڵکوو بەخشینی کەسەکانیش بەشێکە لەو ئاکارە جوانە، هەر بۆیە لیستێک لەو کەسانە ئامادەبکە کە بەنیازی بیانبەخشیت و پەیوەندییان پێوە بکە و لێیانببورە، چیرۆک و ئەزموونەکانی خۆت دەربارەی بەخشین بۆ خەڵکی باسبکە.
دەکرێت منداڵان هەر لە منداڵییەوە فێری کاری خۆبەخشی و گرنگی بکرێن، مێژووی رۆژی بەخشین دەگەڕێتەوە بۆ سەردەمی شەڕی جیهانی دووەم و داوای لێبوردنی فڕۆکەوانێک کە بووە هۆی بوردمان و سووتانی شاری برۆکینا لە ئەمریکا، هەروەها پیاوێک کە ویستی "ژان پۆلی دووەم" تیرۆر بکات لەلایەن ژان پۆلەوە بەخشرا و دوای ئەو دوو رووداوە نەتەو یەکگرتووەکان رۆژێک بەناوی بەخشینی لە جیهان دیاریکرد.
س.ر
بیروڕا
