مەودا میدیا- سازگار ئەحمەد

خاوەنی کارگەیەکی غاز رایدەگەیەنێت کێشەی کەمی غاز هەر بەردەوامە، ئاماژەی بەوەکرد تاوەکو ئێستا نرخی غاز جێگیرە کە لەلایەن حکومەتەوە دیاریکراوە بۆ هەر بوتڵێک غاز بڕی 8500 دینار وەردەگیرێت.

کۆچەر تاهیر، خاوەنی کارگەی غاز مەودا میدیای راگەیاند "کێشەی کەمی غاز هەر بەردەوامە و هەتاوەکو کەشوهەواش زیاتر ساردتر بێت خواست لەسەر غاز زیاددەبێت و کێشەی کەمی غاز زیاتردەبێت".

لەبارەی بەرزبوونەوەی نرخی غازەوە کۆچەر تاهیر وتی "تاوەکو ئێستا نرخی غاز جێگیرە کە لەلایەن حکومەتەوە دیاریکراوە بۆ هەر بوتڵێک غاز بڕی 8500 دینار وەردەگیرێت، بەڵام هەندێک کات بریکارەکان 9 هەزار وەردەگرن بەهۆی ئەوەی زووتر دەیبەن یان سەریدەغەن بۆ بیناییەک".

وتیشی "لیتری ‌غاز لە بەنزینخانەکان 600 دینارە لەئێستادا و هەر بوتڵێک 12 لیتر دەگرێت کە حکومەت بە 8500 دەیفرۆشێتەوە بە هاوڵاتییان، بەڵام لە بەنزینخانەکان بە 1600 هەزار دینارە".

س.ر