مەودا میدیا-سازگار ئەحمەد

ماوەی چەند رۆژێکە شەپۆلێکی باران بارین رووی لەهەرێمی کوردستان کردووە کاریگەری ئەو شەپۆلەش لەمشەوەوە کەم دەبێتەوە.

لەوبارەیەوە ئەژی چەتۆ، وتەبێژی بەڕێوبەرایەتی کەشناسی و بوومەلەرزەزانی هەرێمی کوردستان بە مەودا میدیای راگەیاند "لە ئەمشەوەوە کاریگەری ئەو شەپۆلە بارانە رووی لە هەرێمی کوردستان کردووە کەم دەبێتەوە، هەروەها بۆ رۆژانی دیکەش پێویستە چاوەڕوانی پێشبینیەکان بکەین".

سەبارەت بە رێژەی باران بارینیش ئەژی چەتۆ وتی "ئەمساڵ بەگشتی رێژەی باران بارین تاوەکو ئێستا باش بووە و زۆرترین رێژەی بارانیش لە شاری سلێمانی بووە".

باسی لەوەشکرد "رێژەی باران بارین گۆڕانکاری بەسەردا دێت بۆیە ناتوانین رێژەیەکی دیاریکراو بخەیەنە روو".