مەودا میدیا-

بڕیارە ئەمڕۆ ئەنجومەنی وەزیرانی هەرێمی کوردستان سەبارەت بە تاوتوێکردنی پڕۆژە یاسای چاکسازی کۆبێتەوە.

ئەمڕۆ 11ی کانونی یەکەمی 2019 ئەنجومەنی وەزیرانی هەرێمی کوردستان بە سەرپەرشتی مەسرور بارزانی، سەرۆکی حکومەتی هەرێمی کوردستان و ئامادەبوونی قوباد تاڵەبانی، جێگری سەرۆکی حکومەت و سەرجەم وەزیرەکان کۆدەبێتەوە.

بڕیارە لە کۆبوونەوەی ئەمڕۆی ئەنجومەنی وەزیراندا چەند پرسێک تاوتوێ بکرێت، یەکێک لەو پرسانەش پڕۆژە یاسای چاکسازییە.

پڕۆژە یاسای چاکسازی یەکێکە لە پڕۆژە گرنگەکان کە تاوەکو ئێستا پەسەند نەکراوە لەلایەن ئەنجومەنی وەزیرانی هەرێمی کوردستان و پەرلەمانی کوردستان.