مەودا میدیا- سەباح خضر 

راهێنەری پێشووی یانەی ریال مەدرید زەینەدین زیدان داوایەکی سەرەکی کرد بۆ ئەوەی رازی بێت بە راهێنەری پاریس سان جێرمان لە وەرزی داهاتوودا.

رۆژنامەی مۆندۆ دیپۆرتیڤۆی ئیسپانی رایگەیاند، زیدان مەرج بۆ دەرکردنی ئەستێرەی بەڕازیلی نێیمار دا سیلڤا لە یانەی پارک دێس پرینس دەدات بۆ ئەوەی رازی بێت بە ڕاهێنەری یانەی پی ئێس جی لە وەرزی داهاتوودا.

ئەو ئاماژەی بەوەدا کە زیدان پێی وایە نێیمار دەبێتە هۆی ئاژاوە لە ژووری جل گۆڕین، بۆیە سوور دەبێت لەسەر ئەوەی کە پێویستە یانە فەڕەنسییەکە جێبهێڵێت.

نێیمار لە ئێستادا لە نەشتەرگەرییەکەی چاک دەبێتەوە و تا ساڵی 2025 گرێبەستی لەگەڵ پی ئێس جی هەیە.

پێشتر راپۆرتەکان ئاماژەیان بەوە کردبوو کە نێیمار لەم وەرزەدا پەیوەندییەکی باشی لەگەڵ کیلیان مباپێدا نییە و هێرشبەرە فەڕەنسییەکە پێشتر داوای لە بەڕێوەبەرایەتی یانەکە کردووە پێشکەشی بکەن بۆ فرۆشتن.

زینەدین زیدان لە ئێستادا گرێبەستی لەگەڵ هیچ یانەیەک نییە و راپۆرتەکان دەڵێن خۆی ئامادە دەکات بۆ گەڕانەوە بۆ مەشقکردن لە هاوینی داهاتوودا.