مەودا میدیا-

بەپێی توێژینەوە زانستییەکان، خواردنی سێو نۆ سوودی بۆ تەندروستیی مرۆڤ هەیە، بەم شێوەیەی لای خوارەوە:

بەپێی توێژینەوەیەکی ئەمەریکی هاتووە، کەوا خواردنی سێوێک بەتەواوەتی دەبێتە هۆی کەمبوونەوەی حەزی خواردن، ئەوەش یارمەتیدەرە بۆ کەمخۆری و لە ئەنجامیشدا دەبێتە هۆی دابەزاندنی کێشی جەستە.

بەپێی هەمان توێژینەوەی ئەمەریکی خواردنی سێو یارمەتیدەرە بۆ کەمکردنەوەی مەترسییەکانی تووشبوون بە نەخۆشیی شەکرە لە جۆری 2.

خواردنی سێو بەهەمان شێوە یارمەتیدەرە لە تووشنەبوونی مرۆڤ بە نەخۆشییەکانی دڵ، هەروەها مادەی کیرسیتین کە مادەیەکی کیمیاییە و لە سێودا هەیە، دەبێتە پاڵپشتی مرۆڤ لە تەندروستبوونی مێشکی.

بەهۆی بوونی مادەی کریستین لە جۆری بۆلیفینۆل تیایدا، خواردنی سێو یارمەتیدەر دەبێت لە تەندروستبوونی مرۆڤ بەشێوەیەکی گشتی و بەتایبەت لەگەڵ هەڵکشانی تەمەندا، هەروەها فشاری ئۆکسجین کەمدەکاتەوە، بەدیاریکراویش یارمەتیدەر دەبێت لە رووبەڕووبوونەوەی نەخۆشیی زەهایمەر و لەبیرچوونەوە.

زیادکردنی خواردنی سێو بۆ ژەمەکانی خواردن، دەبێتە هۆی پاراستنی دڵ لە نەخۆشی بەشێوەیەکی بەرچاو، بەپێی توێژینەوەیەکی ئەمەریکی؛ ئەو کەسانەی کە بەدەست بەرزبوونەوەی کەمی رێژەی کۆلیسترۆڵ لە خوێندا دەناڵێنن، رۆژانە دوو دانە سێو بخۆن ئەوا دەبێتە هۆی کەمبوونەوەی کۆلیسترۆڵی زیانبەخش، ئەوەش لە تووشبوون بە نەخۆشییەکانی دڵ دەیانپارێزێت.

تاوناتاوێ خواردنی سێو دەکرێت ئاسانترین رێگە بێت بۆ راگرتنی فشاری خوێن لە ئاستێکی باشدا، لە ساڵی 2020 توێژینەوەیەکی زانستی ئەوەی ئاشکراکرد کە ئەو خواردنەی دەوڵەمەندە بە فلافانۆل وەکو سێو، یارمەتیدەر دەبێت بۆ کەمکردنەوەی فشاری خوێن، لەگەڵ ئەوەشدا کە خواردنی سێو فشاری خوێن کەمدەکاتەوە، هاوکات تایبەتمەندیی ئەوەشی تێدایە کە دژی نەخۆشیی شێرپەنجە و بەکتریاکان بووەستێتەوە.

خواردنی سێو بەشێوەیەکی بەرنامەدار دەبێتە هۆی بەهێزکردنی بەکتریا سوودبەخشەکانی ریخۆڵە، بەپێی توێژینەوەیەک کە لە ساڵی 2017 بڵاوکراوەتەوە، خواردنی جۆرەکانی سێو دەبێتە هۆی زیادبوونی ژمارەکانی بەکتریا سووبەخشەکان لەناو ریخۆڵەدا، ئەوەش یارمەتیدەر دەبێت بۆ باشترکردنی کرداری هەرسکردن.

لە ساڵی 2018 توێژینەوەیەک ئەوەی خستووەتەڕوو کەوا خواردنی سێو دەبێتە هۆی کەمبوونەوەی مانەوەی بەکتریا لەناو دەمی مرۆڤدا، ئەوەش دەبێتە هۆی پارێزگاریکردن لە ددانەکان و لە دوور مەوداشدا رێگری دەکات لە پووکانەوەیان.

شارەزایان رێنوێنی مرۆڤ دەکەن، وەکو جێگرەوەی شۆردنی ددانەکان بە فڵچە دوای خواردنی سیر، باشترە سێو بخۆن، ئەوەش دەبێتە هۆی کەمبوونەوەی زۆری بۆنی سیرەکە کە زۆرێک لە مرۆڤەکان پێی بێزارن.

 س.ر