مەودا میدیا- سەباح خضر 

یاریزانی باڵی بەرشەلۆنە عوسمان دیمبلی پرۆسەی چاکبوونەوە خێراتر دەکات بۆ ئەوەی لەم مانگەدا بگەڕێتەوە یاریگاکان.

دێمبێلی لە 28ی کانوونی دووەم لە بەرامبەر جیرۆنا تووشی پیکان بوو و لەو کاتەوە 14 یاری فەرمی لە دەست داوە لە نێوان خولی ئەوروپا و کۆپا دێل ڕی.

دێمبێلی یاریزانێکی گرنگە لە پێکهاتەی سەرەتایی چاڤی هێرناندێزی راهێنەر، هەرچەندە گۆڵی زۆری تۆمار نەکردووە، بەڵام گۆڵەکان هەمیشە لە یارییە گرنگەکاندا دێن.

دێمبێلی دەبوو دوای شەش بۆ حەوت هەفتە بگەڕێتەوە بۆ یاریکردن و هەوڵیدا بگەڕێتەوە بەرامبەر ئەتلەتیک بلباو، بەڵام هەستی بە ناڕەحەتی کرد بەهۆی پێکانەکەیەوە، بۆیە پزیشکەکان و چاڤی بڕیاریاندا کە بوەستن و رێگایەکی پارێزگارانە بگرنەبەر بۆ ئەوەی خۆیان بەدووربگرن لە دووبارەبوونەوەی پێکان،

بەگوێرەی رۆژنامەی "مۆندۆ دیپۆرتیڤۆ"، بەرشەلۆنە پلانی هەیە تواناکانی دیمبلی بگەڕێنێتەوە دوای کۆتایی هاتنی مانگی رەمەزان، بە تایبەتی بەرامبەر رایۆ ڤالێکانۆ لە 26 نیسان یان ریال بێتیس لە 29 ی هەمان مانگدا.